Tachwedd.
Digwyddiadau mis Tachwedd.
Mae gennym ddigwyddiadau i bawb drwy gydol mis Tachwedd ym mhob llyfrgell yn Abertawe, o glybiau LEGO, clybiau crefft a grwpiau ysgrifennu wythnosol i sgyrsiau hanes untro. Cysylltwch â'ch llyfrgell leol i gael rhagor o wybodaeth. https://www.swansea.gov.uk/libraryevents
Cynhelir digwyddiad galw heibio 'Straeon o'r Cromgelloedd 2' ar 17 Tachwedd o 10am i 5pm ac 18 Tachwedd o 10.30am i 3.30pm ac mae croeso i bawb. Cynhelir y digwyddiad yn Ystafell Ddarganfod y Llyfrgell Ganolog a bydd yn arddangos trysorau cudd o gasgliadau arbennig Llyfrgelloedd Abertawe.
Bydd y digwyddiad yn cyflwyno cwsmeriaid i fyd llyfrgelloedd, gan arddangos eitemau sydd prin yn cael eu gweld a rhai o'n hoff bethau o'n cromgelloedd storio.
Bydd ‘Abertawe: Lle Mewn Amser' yn arwain ymwelwyr ar hyd llinell amser drwy ein casgliadau arbennig, gan ganolbwyntio ar eitemau penodol o'n casgliad er mwyn adrodd stori digwyddiadau hanesyddol. Byddwn yn dechrau yn y cyfnod canoloesol gyda Siarter Abertawe, yna’n dysgu am hanes Pererinion Llanilltud Gŵyr, Abertawe'r 18fed Ganrif a 'Brighton Cymru’, ac yn symud ymlaen i Abertawe yng nghanol oes Fictoria, Yr Ail Ryfel Byd, Dylan Thomas, Badfinger a Dr Who, i enwi ond ychydig.
Mae ein casgliadau arbennig yn cynnwys mwy na llyfrau; bydd mapiau hanesyddol, arteffactau llyfrgell a cherfluniau yn helpu i adrodd y stori hefyd - mae rhywbeth i bawb. Bydd cyfle i ddysgu am hanes yr eitemau hyn, hanes ein gwasanaeth llyfrgell a chasgliadau arbennig yn ogystal â gwaith casglu'r llyfrgell yn y dyfodol, sy'n nodi ac yn amddiffyn ein ffyrdd o fyw presennol ar gyfer cenedlaethau'r dyfodol.
Anogir cwsmeriaid i godi'r eitemau ac edrych drwyddynt. Bydd gennym brofiadau VR StoryTrails arloesol, llwybr i blant a gweithgaredd yn seiliedig ar thema yn y llyfrgell i blant.
Bydd y Llyfrgell Ganolog yn dathlu Dr Who ar 25 Tachwedd. Bydd Gwilym Games, Llyfrgellydd Astudiaethau Lleol yn darparu sgwrs ar Dr Who a dechreuad R.T Davies am 2pm i ddathlu pen-blwydd Dr Who yn 60 oed. Bydd cysylltiad Abertawe â’r gyfres hefyd yn cael ei adlewyrchu mewn arddangosfa o'n casgliadau.
Cadwch lygad am y Daleks - rydym wedi clywed eu bod nhw’n cynllunio ymosodiad! Bydd llawer o weithgareddau eraill ar thema Dr Who.
Mae'r digwyddiad Nadolig Fictoraidd yn dychwelyd i Dreforys ar 25 Tachwedd, gallwch alw heibio'r llyfrgell lle bydd gweithgareddau drwy gydol y dydd - beth am gydio mewn llyfr o un o'n harddangosfeydd Fictoraidd arbennig er mwyn ymuno yn hwyl yr ŵyl?