“Byddwch y goleuni ym mywyd rhywun”
Sefydlwyd EmpathyLab yn 2014 gan Miranda McKearney – sylfaenydd Sialens Ddarllen yr Haf, Craig Hill, Sarah Mears a Caroline Scott.
Dyma'r egwyddorion sefydlol:
'Darllen straeon. Adeiladu empathi. Gwneud byd gwell.’
“ Dyma’r sefydliad cyntaf yn y DU i adeiladu empathi, llythrennedd a gweithredaeth gymdeithasol plant drwy ddefnyddio llenyddiaeth o safon mewn ffordd systematig. Credwn fod empathi yn belydryn o obaith mewn byd rhanedig, sy’n hanfodol i gyfleoedd bywyd pobl ifanc.”
Yn 2019, cychwynnodd EmpathyLab, gyda chymorth cronfa Nesta’s Future Ready gynllun peilot gan weithio gyda Ysgol Uwchradd Pentrehafod a'r 7 ysgol fwydo i gyflwyno rhaglen EmpathyLab a oedd yn cefnogi pwyslais cwricwlwm newydd Cymru 2022 ar empathi. Yr ysgolion cynradd bwydo yn Abertawe yw Brynhyfryd, Burlais, Clwyd, Gwyrosydd, Hafod, Plasmarl a Waun Wen sydd oll wedi bod yn gweithio mewn partneriaeth ag Empathylab a'u llyfrgelloedd lleol i gefnogi'r prosiect hwn.
Dyma'r themâu rydym yn canolbwyntio arnynt eleni - Unigrwydd, Digartrefedd a Ffoaduriaid.
Rydym wedi gweld llyfrau stori a barddoniaeth a llyfrau gwybodaeth hyfryd mewn llyfrgelloedd yn Abertawe. Rydym wedi gwahodd disgyblion o'r ysgolion peilot i ymweld â'u llyfrgell leol ym Mrynhyfryd neu Ben-lan i fod yn llygadwyr llyfrau empathi, gan rannu eu hoff lyfrau empathi â ffrindiau a theulu.
“Toffee” gan Sarah Crossan
Llyfr sydd wedi'i ysgrifennu'n wych a enynnodd bob emosiwn oddi mewn i mi. Daeth y cymeriadau'n fyw ac roeddwn i'n dwlu ar y ffaith nad oedd angen llawer o eiriau i greu'r teimladau a'r tensiwn drwy'r holl stori. Allwn i ddim â'i roi i lawr.
JODI
“Bright Bursts of Colour” gan Matt Goodfellow.
Mae gan y casgliad hwn o farddoniaeth nifer o straeon, cymeriadau a gwersi hyfryd ynddo. Mae’n llawn pwyntiau trafod a sefyllfaoedd da i’ch helpu i esbonio emosiynau cymhleth i blant, yn ogystal â cherddi byr difyr sy’n aml yn ddoniol ac yn llawn gwybodaeth.
THOMAS
“Lubna and Pebble” gan Wendy Meddour
Stori sydd wedi'i darlunio'n hyfryd, sy'n cyfeirio at fywyd fel ffoadur a phŵer cyfeillgarwch mewn amserau ansicr. Llyfr perffaith ar gyfer esbonio neu gychwyn sgyrsiau â phlant iau am fywydau ffoaduriaid, cyfeillgarwch ac empathi.
LYNNETTE
Y llynedd gwnaethom addurno ffenestri yn y gymuned gyda chalonnau Empathi er mwyn i deuluoedd ddod o hyd iddynt ar eu teithiau cerdded Empathi.
Eleni rydym yn gofyn i deuluoedd ffonio’r llyfrgell i gasglu eu taflen liwio Empathi fel y gallant eu harddangos yn eu ffenestri er mwyn i unrhyw un ar daith gerdded Empathi ddod o hyd iddynt.
https://swan.ent.sirsidynix.net.uk/custom/web/content/be_the_light.pdf