Ffuglen Hanesyddol ar eich cyfer!
Dyma bum nofel rydym yn meddwl y byddwch chi'n eu mwynhau - mae'r holl lyfrau ar gael o'n llyfrgelloedd gan ddefnyddio'r gwasanaeth Clicio a Chasglu neu trwy BorrowBox, ein gwasanaeth lawrlwytho AM DDIM.
“The Devil and the Dark Water” gan Stuart Turton
Mae'r llyfr hwn yn wahanol iawn i lyfr cyntaf Stuart "The Seven Deaths of Evelyn Hardcastle" ond disgrifir golygfeydd yn wych ac mae'n cynnwys yr holl wewyr meddwl a marwolaethau niferus - tybed a fydd hyn yn parhau i drydydd llyfr Stuart?
Mae'r stori'n dechrau ar y môr ym 1634 lle caiff Samuel Pipps ei drawsgludo i Amsterdam i’w ddienyddio am drosedd. Gyda’r llong yn cael ei gwthio i storm o wewyr meddwl a thri dyn yn cael eu tynghedu i farwolaeth– ai’r goruwchnaturiol yw hyn? Mae llofruddiaeth, dirgelwch a digon o wewyr yn rhan o blot sy'n bythol dyfu a fydd yn gafael ynoch hyd y diwedd.
“The Mercies” gan Kiran Millwood Hargrave
Mae'r llyfr hwn wedi’i gyhoeddi ers amser ond mae wedi aros yn fy meddwl ac roeddwn i'n gwybod bod angen ei roi ar y rhestr – fe’i lleolir ar y môr, yn yr un ganrif a stori Stuart Turton, ac mae'n dechrau gyda dynion ynys Norwyaidd gyfan yn mynd ar goll yn ystod storm sydyn a thrychinebus, felly mae menywod Vardo'n dod i'r amlwg!
Wedi'i ysbrydoli gan storm go iawn Vardo a threialon gwrachod 1621, mae Kiran wedi ysgrifennu stori llawn drwgdybiaeth, cariad a chreulondeb yn erbyn menywod - mae'r llyfr yn hiraethus o hyfryd.
“Execution” gan SJ Parris
Yn y diweddaraf yng nghyfres Giordano Bruno SJ Parris am ysbïwriaeth yn ystod oes y Tuduriaid, mae Parris wedi gwneud Giordano Bruno, heretic ac athronydd o’r 16eg ganrif, yn arwr annhebygol iawn.
Yn llyfr chwech y gyfres "Execution" mae Giordano Bruno unwaith eto'n gweithio i feistr ysbiwyr Elizabeth I, Syr Francis Walsingham – ydyn nhw’n gallu arbed Elizabeth I rhag cynllun llofruddiaeth?
Mae SJ Parris yn creu darlun lliwgar o'r cyfnod hanesyddol hwn, a bydd pobl sy'n dwlu ar oes y Tuduriaid yn sicr o'i fwynhau.
“A Net For Small Fishes” gan Sarah Jago
Lleolir y nofel yn y llys Jacobeaidd, ac mae Sarah Jago yn eich cludo yn ôl mewn amser. Mae'n llyfr y gallwch ymgolli ynddo ac mae Jago wedi meistroli’i chrefft gan adrodd y stori'n wych.
Mae'r llyfr yn stori sy'n seiliedig ar ffeithiau ac mae'n adrodd hanes Frances Howard a’r Feistres Anne Turner - gan archwilio rhywioldeb a dosbarth wedi'u plethu i un o sgandalau'r cyfnod. Caiff ei ddisgrifio gan un beirniad fel "Thelma a Louise yr ail ganrif ar bymtheg!"
Os gwnaethoch fwynhau "The Wolf Hall Trilogy" gan Hilary Mantel neu "The Poison Bed" gan Elizabeth Freemantle, dyma'r llyfr i chi.
"Hamnet" gan Maggie 'O' Farrell
Yn 2021, bydd "Hamnet", sef enillydd Gwobr Ffuglen y Menywod a llyfr gorau 2020 yn ôl The Guardian, Financial Times a Literary Hub, yn cael ei ryddhau fel llyfr clawr papur ar 1 Ebrill.
Beiddgar, hyfryd a thrychinebus!
Stori sy'n llawn emosiwn yw Hamnet am y galar a ddaw ar ôl colli plentyn, mae'n adrodd stori ffuglennol Anne neu Agnes, sef gwraig Shakespeare (sy’n aros yn ddienw trwy’r holl lyfr) a cholled ei mab annwyl Hamnet yn 11 oed.
Ond nid llyfr Shakespeare neu Hamnet yw hwn, fel y byddai'r teitl yn awgrymu ond mae'n canolbwyntio ar Anne/Agnes ac yn archwilio’i phlentyndod, ei charwriaeth, ei phriodas a'r drychineb sy'n ei llethu ym 1596.